Etter 7. klasse skal elevane kunna utføra grunnleggjande teknikkar i symjing på magen, på ryggen og under vatn og vurdera tryggleik i uteaktivitet (…) og gjennomføra sjølvberging i vatn.
I 12 graders varmt vatn i Åne prøvde alle i 5.-7. klasse seg på livredning. Først skulle to og to elevar henta og få ein livbøye på land, før dei skulle visa at dei kunne flyta på rygg og mage i minst fem sekund, og helst ti. Etterpå redda dei kvarandre.
Vatnet var varmare enn mange venta, så dei fleste storkoste seg heile symjetimen.