Siste dag før haustferien, gjorde me på Sinnes skule ein innsats for årets TV-aksjon som går av stabelen den 19. oktober

I musikktimen i dag øvde me på songen "Den første løvetann" og me fekk rista litt laus med BlimE-dansen. Timen vart avslutta med Incredibox, noko som gav oss ei retning inn i beatboxinga si verd, i dag framført av Tom Thum som de kan sjå i videoen.

Stemmar, og ikkje minst fleire stemmar, er skikkeleg spanande.

I dag tok me til å nytta nettstaden jede.no for å samla kjelder der me kan finna informasjon.

Jede.no er ein RSS-lesar, som for elevane i 7. klasse er heilt gratis. Ein kan òg ta med seg kjeldene sine til ein anna lesar seinare, om ein ynskjer det.

Ein RSS-lesar er eit program som hentar informasjon frå dei sidene ein vel å legga til, slik at ein berre har ein stad å sjekka når ein skal oppdatera seg.

Elevane fekk ein start med ei OPML-fil med Sirdal-relaterte kjelder, så la me til litt i fellesskap, før elevane la til eigne.