I haust vann 5. klasse den lokale Beintøft-konkurransen. Premien var 3000,- til sosiale formål.
Det gjorde at me drog avgarde i vesterveg i dag, 29.10, til Stavanger og Arkeologisk museum på Våland. Der fekk me vera med på ein runde i vikingutstillinga, saman med Heidi som møtte oss der.
Me fekk sjå, høyra og ta på mykje spanande, og ho var godt nøgd med å ha ei klasse med seks elevar på besøk, mot normalt 30.
Etterpå drog me til Sørmarka arena og gjekk på skeiser, etter ein liten rundtur til både Tjensvoll skule/kyrkje, Ullandhaug og Jernaldergarden.
Me toppa det heile med ein tur på Egon på Kvadrat, der me fekk eit aldri så lite festmåltid. Pizzabuffet og burger var heilt topp!
Takk for ein strålande tur!