Måndag 15. november fekk heile skulen besøk av "Oh freedom" gjennom den kulturelle skulesekken. Det er ein konsert som tek utgangspunkt i den afroamerikanse spiritualtradisjonen. Tittelen "Oh freedom" viser både til dåtidas slaveri og deira kamp for fridom, og óg til dagens ungdom sitt forhold til musikk - kva betyr han og kva moglegheiter gjev han.
Utøvarane viste typiske særtrekk ved musikken som call and response, improvisasjon og andre tema i tekstane som er særegna for spirituals. Elevane og lærarane medverka på nokre av låtane med song og rytme. Musikarane fortalde korleis denne musikken oppstod og kva påverknad han har hatt heilt fram til vår tids populærmusikk.