September er haustemånad, så i dag tok me oss ein rundtur i naturen for å sjå kva me kan hausta... Og korleis det kan lagrast.
Dagen tok til med at 2. klasse laga pannekaker til 1. klasse med blåbærsyltetøy. Fantastisk!
I 4. time gjekk me alle saman ut til Sinnesvatnet og "Jørgen med sjøen" sitt hus. Her snakka me litt om korleis ting var før. Så la me turen opp bakken og gjekk leitet heimover att til Sinnes og skulen. På turen fann me mykje godt!
Me fekk òg hausta jordeplene som vart sette til 1. klasse i mai. Nokre var store, nokre var mindre. Veldig spanande.
Me hadde òg ein ekskursjon inn i ein ekte, over 100 år gamal, jordeplekjellar. Her var det kjølig og godt, og heilt ukjende lukter.
Elles fann me gulrot, nepe, gauksyre og litt stikkelsbær.