På måndag fekk me besøk frå Den kulturelle skulesekken i 1. - 4. klasse.
Lars Vik, òg kjend som "Fridtjof Fomlesen", hadde med seg si heilt spesielle bikube til oss. Nokre av elevane fekk vera med å bera inn noko av utstyret, så engasjementet var stort før førestillinga tok til.
Det vart ei flott stund, det "Eirik" tok oss med gjennom sitt livs historie. Både gleder, og sorger. Me fekk høyra om mange aspekt ved livets gang, og fekk vera med i bryllaupsdans. Med diskokule!
Det var 40 intense minutt med rein teatermagi, fantasi og fundering.
Takk for besøket!