I dag var dagen for ein tårevåt avskjed etter eit langt turår. Heldigvis er 1. og 2. klasse gode på å leva i nået, og omfamna i staden den sisten turdagen på beste vis.
Vermessig fekk me alt i dag. Hagl, regn og sol. Alt på ein gong. Langetjødn låg der stille og roleg og venta på oss då me kom. På avstand letta to ender. Då me nærma oss meir, for ein orrhane opp framfor oss, skremt etter at me lista oss fram. Trass i listing på høgde med Davy Crocket, fann me ingen bevarar.
Maten vart slukt i ein fei, før me tok til med gøymeleik og rolleleik. Nokre sprang rundt og fiska vannliljer for å gje til bevaren, medan andre piska litt opp i vatnet så vannløparane vart vettskremde.
Heimvegen gjekk via Andestjødn, og då me kom fram til skulen, var nok nokon littegranne kalde på fingrane, men humøret var på topp likevel.
Takk for ein fin tur, og eit fint turår, 1. og 2. klasse!