Med ein skikkeleg "Indian summer" over oss, stig det meste til vers. Temperatur. Humør. Og skuleklassar.
Difor tok med med oss temaet "opp i lufta" og la av garde til Soleiknuten i dag.
Det heiter jo at det er i motbakke det går oppover. Og det gjorde det. Men ikkje utan nokre småpausar undervegs. Det var jo i overkant varmt. Men etter ein god halv time kunne me endeleg stå på Soleiknuten og skua ut over Sinnes. Heilt frå Fidjeland og ned mot Handeland.
I tillegg hadde me drege med oss eit par oppfinningar på turen. Ein av gamal sort. Og ein av nyare art. Korleis flyg dei? Og kvifor?
Ved retur på skulen var alle nøgde og samde om at det hadde vore ein fin tur. Nokre føter og rumper vart blaute på turen, men i ein slike varme i september, gjorde det berre godt.
1. klasse skal ha ein særs stor dose med kudos, då dette var fyrste "skikkelege" tur. 2. klasse har trass alt eitt år på baken, og er soleis meir drevne i faget.