Dagens "tursdag" baud på småkjølig haustvêr, men etterkvart strålande sol. Me hadde fått eit stalltips om nokre dyr som var moglege å sjå i nærleiken.
Med det tok me føtene fatt, og traska innover mot "Øyne". Det var det ingen som visste kor var, før me på slutten oppdaga at me både hadde gått på ski der i vinter, og at me køyrde der når me skulle på terrengløp.
Undervegs kom me over alle slags flotte dyr. Vulpes vulpes, lynx lynx, canis vulpes, og så rådyr og ugle då.
Etter kvart oppdaga me at me hadde gått i ring, så då vandra me vidare mot Ankerhaugen. Kvifor heitte det det? På toppen fann me ankeret til båten M/T Solfonn, eitt av Sigval Bergesen (fødd i Farsund) sine skip. Det er ikkje lenger så god utsikt som på gamle bilete. Skipsklokka hang der òg.