I dag gjekk rett og slett heile 1. - 4. klasse på tur saman til skulebua. Ein tur innom "vedskuten" måtte til på førehand, slik at me kunne vera sikre på å få bål når me kom fram. Det trengst meir enn ein kubbe for å laga eit bål....
I dag vart det mykje leik og aktivitet rundt bålet. Det er jo spanande å rota i "gruva" må vita. Elevane gjekk automagisk saman i små grupper og fann ulike former for leik då me kom fram. Nokre klatra. Andre laga butikk.
På heimvegen gjorde me ein liten svingom nedom Sinnesvatnet. Det hadde vorte målt til 6-7 cm, så ikkje heilt dei 10 cm stålis som me kan ynskja oss. Men heilt inne ved land der straumingane ikkje er så aktive, gjekk det an å få sine fyrste skliingar i år.