Dagens tursdag fann stad saman med 3. og 4. klasse på Klampen.
Med snø i lufta, men langt i frå så kaldt som me frykta, samla me oss ved skulebua i dag. Mellomtrinnet har laga flotte hytter der, noko småtrinnet nyt godt av. Elevane fann fort saman i smågrupper og tog til å leika. Me fekk fyr (og røyk!) i bålpanna. Nokre fann ut at Oskeladden godt kunne vera ein perfekt leik for dei, medan andre leika ninja, og spionerte på andre.
Karine hadde laga til spørsmål til ein natursti, så etterkvart delte me elevane inn i grupper på 3-4 på kvar gruppe, som dei deretter gjekk frå post til post i. Oppsummering i ring etterpå gav god utteljing, og me må nok justera vanskegrada til neste gong.