Siste dag før haustferien, gjorde me på Sinnes skule ein innsats for årets TV-aksjon som går av stabelen den 19. oktober
Me hadde skuleløp for heile skulen, der elevane fekk springa så mange rundar dei klarte på 30 minutt.
Undervegs i løypa dukka det opp støtteapparat fleire stader, som nok gjorde at ein klarte å få klemt ut det vesle ekstra i ein kald haustvind.
Då alle var komne i mål, kunne me telja opp totalt antal rundar. Med tanke på at det var 45 elevar som sprang, er 264 rundar eit respektabelt resultat.
Elevane har fått ordna seg sponsorar heime, så ein kan gå inn på den oppretta spleisen og sjå kor mykje Sinnes skule har klart å samla inn til årets TV-aksjon. Og så kan ein sjølvsagt bidra litt til å støtta Atlas-alliansen om ein ynskjer det.
Ha ein strålande haustferie!