Me prøver igjen...

Det er tid for ny trivselsundersøking, og ver grei å lesa nøye gjennom føreordet før de startar undersøkinga. Siste frist kl. 11.30 24. april 2024.

I haust vart det ei påskjønning til 4. klasse sidan dei hadde størst prosentvis svar blant alle på skulen. 10. klasse vart "slått på målstreken", så nokon vil kanskje gjera ein ekstra innsats nå i vår. Påskjønninga i haust vart "Olsenbanden jr. på Cirkus" 10.04.24, og dei hadde ein fin kveld, fortel rykta.

På førehand takk!

Verdas bokdag er ein FN-dag som blir markert 23. april. Målet for FN er å markera den viktige rolla bøker har i samfunnet vårt, både når det gjeld språkleg og kulturelt mangfald, utdanning og kommunikasjon.

Bertelsen & Garpestad vil invitera elevane ved Sinnes skule til konsert med TIX laurdag 23. mars på Sirdal skiarena!

Dette er gratis (og alkoholfritt). 

Konserten startar kl. 14.15 og vil vara ca. 30 min. 

Det er dessverre ikkje mogleg å parkera på parkeringsplassen til Sirdal skiarena, men det er mogleg å sleppa av og så henta etter 15.15. 

Eit alternativ kan vera å parkera ved Grendehuset og gå på ski bort til konserten. 

Det blir alpindag på fredag 22. mars. 

Elevane møter til skulen til vanleg tid, og så køyrer me direkte til Ådneram. Heimover kan dei som bur mellom skulen og Ådneram gå av undervegs etter avtale med lærar. Me er attende til skuleslutt.