Meny
5. klasse
1. og 2. klasse
3. og 4. klasse
5. klasse
6. klasse
7. klasse
I samarbeid med Statsministerens kontor, UD og Norway Cup jobbar FN-sambandet med ein global kampanje om å snakka opp berekraftsmåla. Kampanjen er digital og vil skje i sosiale medium. Elevane på mellomtrinnet har teke utfordringa, og meiner at berekraftsmåla god helse, god utdanning og berekraftige byar og lokalsamfunn er nokre av dei viktigaste berekraftsmåla. 

Klokka 12 i dag samla me oss i gymsalen for å delta på den årlege, og etterkvart så tradisjonsrike, BlimE-dansen.

Saman med Victor på storskjerm, dansa me heile gjengen saman med resten av Noreg.

Men fyrst, så hadde me premiere på vår eigen dans. Den er tilgjengeleg på NRK Super sine nettsider.


I haust vann 5. klasse den lokale Beintøft-konkurransen. Premien var 3000,- til sosiale formål.

Før blada fall var me ute og henta blad som har vore nokre veker i press no. Desse fekk me nytta i dag.

Torsdag 22. oktober fekk Sinnes skule besøk av André Vaaler og Oscar Jansen gjennom Den kulturelle skulesekken. 

Dei hadde med seg boka ‘’Villaksen Salomon og den store reisen’’ som dei las, spelte og song i frå. Elevane følgde engasjert med og fortalde mange historiar frå fisking i sommar. Dei kunne fortelja om forskjellen på laks og aure, samt om fiskeutstyr og kor mange fisk dei har fått.

 


16. oktober er verdas matvaredag, og med så mykje heiebeite for sau rundt oss, var det naturleg for Sinnes skule å seia ja når Sirdal bygdekvinnelag ville markera dette. Det passa fint sidan 6. klasse og Anne Grethe har mat og helse på fredagar, og dei gjekk i gang med skrelling og kutting av rotgrønsaker frå morgonen av.